အဲဒီ ညလေး ခဏ ပြန်ပေးပါ

အဲဒီညလေး ..ခဏပြန်ပေးပါ...

• မိုးလေကင်းလွတ် သီတင်းကျွတ်  ၏                                                                      ဆီးနှင်းမြူတိမ် သူရိန်မီးခိုး  ညစ်မျိုးကင်းပ  ညတစ်ည ။

         လမင်းကလဲ သာပေစွ ။

•      ရှင်ထွဋ်မြတ်စွာ ၊ ၀တိံသာမှ  ၊လူ့ရွာပြန်လမ်း

          ရှူမျှော်မှန်း၍  ၊မီး ၊ ပန်း ထောင်ချီ ၊ စုစည်းညီစွာ ကြည်သဒ္ဓါဖြင့်

လှူဒါန်းလင့်ပြီး ၊ပျော်ကြီးပျော်ကြ အဲဒီည..

ဇေယျသုခ ဓမ္မရိပ်သာ သာသနာရေးဆိုင်ရာ သတင်းလွှာ

အမာရီလိုမြို့ ရွှေညဝါဆရာတော် အထူးတရားပွဲ အောင်မြင်စွာကျင်းပပြီးစီး
ပြန်ကြားရေးကော်မတီ
မြန်မာထေရ၀ါဒ ဗုဒ္ဓဘာသာအသင်း
အောက်တိုဘာ ၂၂၊ ၂၀၁၂

ပြည်ထောင်စုမြန်မာနိုင်ငံမှနေ၍ အမေရိကန်နိုင်ငံ၊ ပြည်နယ်ဒေသအနှံ့အပြားသို့ လှည့်လည်ကြွရောက်ကာ တရားဟော သာသနာပြုလျှက်ရှိ သော ဓမ္မာစရိယ၊ ဂဏဝါစက နိုင်ငံကျော်ဓမ္မကထိက ရွှေညဝါဆရာတော်  ဘဒ္ဒန္တပညာသီဟ၏ အထူးဓမ္မသဘင်ကို အမေရိကန်ပြည်ထောင်စု တောင်ဖက်ခြမ်း တက္ကဆက်ပြည်နယ် အမာရီလိုမြို့၊ ဇေယျသုခ ဓမ္မရိပ်သာကျောင်းတိုက်တော်အတွင်း၌ အောက်တိုဘာလ (၂၀) ရက်နေ့မှ (၂၁) ရက်နေ့အထိ နှစ်ရက်တိုင်တိုင် စည်းကားသိုက်မြိုက်စွာ ဆင်ယင်ကျင်းပခဲ့ကြကြောင်း သတင်းရရှိသည်။

အမှတ်တရကုသိုလ် အမာရီလိုတွင်

 တင်မောင်ဆန်းမင်းဝင်း၊ ထွန်းထွန်း ၊ မိုးမိုး မေကဗျာ တိုရဲ့ အမာရီလို ခရီးစဉ် ရောက်လာသည့်အခိုက် နှစ်ခြိုက်ကြည်ဖြူ ဆွမ်းအလှူ  နတ်လူ သာဓု ခေါ်ပါစေ 

အမှတ်တရ

ကမ္ဘာကျော် ဘရွတ်ကလင်း တံတားပေါ်မှ အမှတ်တရ

 သီတဂူဆရာတော်အား ဂါရ၀တရားထားရင်း

ဒယ်အိုးမှသည် မိုးပေါ်ဆီသို့

● အမာရီလိုအကြောင်း သိကောင်းဖွယ်ရာ
အမေရိကန်နိုင်ငံ၊ တက္ကဆက်ပြည်နယ်ရှိ အမာရီလိုမြို့လေးသည် လူဦးရေ နှစ်သိန်းဝန်းကျင် မှီတင်းနေထိုင်သော မြို့ပြလေးတခုသာဖြစ် ပါ၏။ ဤဒေသရှိ အမဲရုံများမှနေ၍ အမေရိကန် တစ်နိုင်ငံလုံး၏ အသားထုတ်ကုန် လေးပုံတစ်ပုံကို ထုတ်လုပ်ပေးလျှက်ရှိပြီး တက္ကဆက်ပြည် နယ်အတွင်း အကြီးမားဆုံးစိုက်ပျိုးမွေးမြူရေး ခြံကြီးများ၏ တည်ရှိရာဒေသလည်း ဖြစ်ပါ၏၊ မြို့၏တောင်ဘက် မလှမ်းမကမ်းတွင်မူ အမေရိ ကန်နိုင်ငံ၏ ဒုတိယအကြီးဆုံး (grand canyoun) ချောက်ကြီးတစ်ခုက မင်းမူနေရာယူလျှက်သည်ကိုလည်း တွေ့နိုင်ပါ၏။

ရာသီဥတု အခြေနေကလည်း အေးသည့်အခါ သိပ်အေးလွန်းသလို ပူသည့်အခါမှာလဲ သိပ်ပူပြင်းလှပါ၏။ တိုနေဒိုး မုန်တိုင်းတို့၏ အုပ်စိုးရာ ဒေသတစ်ခုဆိုလျှင်လဲ မှားအံ့မထင်ပါ။ ဒေသ၏ အဓိကထွက်ကုန်များတွင် ကျောက်မီးသွေး၊ ရေနံတို့က ထိပ်တန်းကနေရာယူထားလျှက်  အမေရိကန်နိုင်ငံအတွင်း တတိယမြောက် လေအထန်ဆုံးနေရာဖြစ်၍ မိုးခေါင်းရေရှားပြီး ပျင်းရိဖွယ်ကောင်းသည့် ရာသီဥတုကို ပိုင်ဆိုင်ထား သည့် နေရာဒေသတစ်ခုပါပေ။

ဤဒေသတွင် မှီတင်းနေထိုင်သူနှစ်သိန်းကျော်တွင် မြန်မာအပါအဝင် ကမ္ဘာ့နိုင်ငံပေါင်းစုံမှ ရွှေ့ပြောင်းနေထိုင်သူများလည်း အပါအဝင်ဖြစ်ပါ ၏။ နှစ်စဉ် တစ်ထောင်ဝန်းကျင်သော လူသားတို့သည် ကမ္ဘာ့ဒေသအသီးသီးမှ အမာရီလိုမြို့ဒေသသို့ အခြေချနေထိုင်ရန် ပြောင်းရွှေ့ ရောက်လာကြသည်ဟု မှတ်သားရပါ၏။ အမာရီလိုဟူသောအမည်သည် စပိန်ဘာသာစကားမှ ဆင်းသက်လာသည့် ပညတ်အခေါ် တစ်ခု ဖြစ်ကာ အဓိပ္ပါယ်မှာ အ၀ါရောင်ဟုအဓိပ္ပါယ်ရှိပေ၏။ မြန်မာတို့အလို သာသနာရောင်ဖြစ်သောကြောင့် နောင်အခါ သာသနာထွန်းမည့် အ တိတ်နိမိတ်ပေလားဟု တွေးတောခံစားမိပါတယ်။

● ရွှေ့ပြောင်းမြန်မာ မင်းမူလာ
အမာရီလိုဒေသတစ်ဝိုက်တွင်ရှိသည့် ကုန်ထုတ်စက်ရုံများ၌ ၁၉၇၄ ခုနှစ်နောက်ပိုင်းကာလများတွင်  လာအို၊ ဗီယက်နမ်နိုင်ငံများမှ လုပ်သား အများစု မင်းမူနေရာယူခဲ့ကြသလို မက္ကစီကို၊ ဂွာလတီမာလာ စသောနိုင်ငံများမှ တရားမ၀င်ရောက်ရှိလာသူများ၏လုပ်အားဖြင့် သားသတ် စက်ရုံ၊ အမဲရုံများတည်ထောင်ပြီး ကမ္ဘာအနှံ့ တင်ပို့ရောင်းချခဲ့ကြသည်ဟု ဖတ်ရှုမှတ်သားရပါ၏။

၂၀၀၆ ခုနှစ်တွင် တရားမဝင်လုပ်သားများအား လူဝင်မှုကြီးကြပ်ရေး ဥပဒေအရ ဖမ်းဆီးအရေးယူခဲ့သည့်နောက်ပိုင်းတွင် ထိုလစ်လပ်သွား သည့် နေရာများတွင် မြန်မာရွှေ့ပြောင်းလုပ်သားများက တစ်စတစ်စ အစားထိုးဝင်ရောက်လာရာမှနေပြီး ယခုအခါတွင်တော့ အမရီလိုမြို့ ဒေသတစ်ဝိုက်တွင် မြန်မာနိုင်ငံဖွား တိုင်းရင်းသားလူမျိုးပေါင်းစုံ သုံးထောင်ကျော် လေးထောင်ခန့် အခြေချနေထိုင်နေကြသည်အထိ တိုး ပွားလာခဲ့ပါချေပြီ။

● မြန်မာ့စိတ်ရင်း သာသနာလင်းဖို့
ကျောင်းကန်ဘုရားနှင့် အနေဝေးရင် စိတ်လက်မရွှင်ပြဖြစ်တတ်ကြသော မြန်မာနိုင်ငံသား ဗုဒ္ဓဘာသာ မိသားစုများတို့သည် မိမိတို့ရဲ့ ချွေးနဲ စာလေးများထဲမှထုတ်နှုတ်ပြီး စုပေါင်းစုဆောင်းကြ၍ ရောက်ရာဒေသမှာ ဘုန်းတော်ကြီးကျောင်းများတည်ထောင်ကြလေ့ရှိရာ အမာရီလိုမြို့ ရောက် ရွှေ့ပြောင်းမြန်မာတို့လည်း ထိပ်ဆုံးကပါဝင်မယ်ဆိုတာ ယုံကြည်ရပါတယ်။

မိမိတို့ရဲ့ အမျိုး၊ ဘာသာ၊ သာသနာနဲ့ စာပေယဉ်ကျေးမှုပြန့်ပွားရေးကို ရှေ့ရှုကြပြီး ရောက်ရာဒေသ အားမာန်ပြကာ ကျောင်းတော်တွေ တည် ထောင်လှူဒါန်းကြခြင်းဟာ ဗုဒ္ဓမြတ်စွာ၏ အဆုံးမတို့တည်ရာ သာသနာတော်ကြီး ကမ္ဘာအတွင်းမှာ အမှောင်ခွင်း၍ အရောင်လင်းဖို့သာ ဖြစ်ပေမယ်လို့ တွေးမိလိုက်ပါရဲ့။

● ဗြဟ္မာမှလာ … ဒို့မြန်မာ
ရှေးတုန်းကတော့ မြန်မာဟူသည် ဗြဟ္မာကြီးများမှ ဆင်းသက်လာပေသလား အထင်မှားရလောက်အောင်ပင် မေတ္တာ၊ ကရုဏာ၊ မုဒိတာ၊ ဥပေက္ခာဟူသော ဗြဟ္မစိုရ်တရားတို့ကို လက်ကိုင်ကျင့်သုံးသူများဖြစ်ကြတယ်လို့ တဆင့်စကား မှတ်သားရဘူးပါတယ်။ ဗြဟ္မစိုရ်တရားကို လက်ကိုင်ထားပြီး အများအတွက် ကောင်းကျိုးဆောင်လေ့ရှိတတ်သူများပီပီ ရောက်ရာဒေသမှာ ဘာသာသာသနာအတွက် ရည်ရွယ်ချက် နဲ့ စည်းလုံးညီညွတ်စွာ အများအကျိုး သယ်ပိုးဆောင်ရွက်ကြတာတွေ့ရတော့ ဟုတ်လောက်ပါရဲ့လို့ ခံယူမိလိုက်ပါတယ်။

● ဒယ်အိုးနီးလာ ဒို့မြန်မာ
မူလဓါတ်ခံစိတ်ရင်းက သိပ်ပြီးကောင်းကြပါသော်လည်း ဖြတ်သန်းရသည့်ဘ၀လမ်းနှင့် ကျင်လည်ခဲ့ရသော ဒေသပတ်ဝန်းကျင်တို့ရဲ့ ဓလေ့ အယူတို့က လူကိုအနိုင်ယူသွားသောအခါ မြန်မာတို့လည်း မေတ္တာခေါင်းပါးလို့ ကရုဏာတရား နဲပါးလာခဲ့ကြချေပြီပေါ့။ မုဒိတာ နှလုံးသား နဲ့ လူသားကိုရှာတွေ့ဖို့ ခက်ခဲလာသလိုစိတ်ဓါတ်တွေ ပိုမိုခက်ထန်ကြမ်းတမ်းလာကြလေသလားပင် ထင်မိပါရဲ့။

ကြည့်လေ ..တစ်နေကုန် … လုပ်ငန်းစုံတွင် အလုပ်ဝင်ကြရင်း လောဘ ဒေါသ မောဟ မာန်မာနတို့နှင့်သာ ထွေးလုံးရစ်ပတ်နေကြရသလို အားလပ်ပြန်တော့လဲ အချို့သူတွေဟာ ဘီယာအရက်သောက်ခြင်း၊ ဖဲကစားခြင်း၊ ကာစီနိုသွားခြင်း၊ ငါးမျှားခြင်း၊ တောလိုက်ခြင်း၊ ဈေးဝယ်အပန်းဖြေထွက်ခြင်းများဖြင့်သာ အချိန်ကို ဖြုန်းနေကြပေ၏ ဒီနည်းဖြင့်သာ ရှေ့ခရီးဆက်ကြရင်ဖြင့် ဒယ်အိုး (အဝီစိငရဲ) နဲ့ နီးသထက် နီး လာပေတော့မယ့်ဟု တွေးတော စိတ်ပူလာမိပါတော့တယ်။

● ကိုယ်တိုင်ဟောပြ  အားမရခဲ့
မြန်မာနိုင်ငံဖွားတိုင်းရင်းသား ဗုဒ္ဓဘာသာအများစုတို့သည် ဗုဒ္ဓမြတ်စွာဘုရား၏ အဆုံးမတို့နှင့် ဝေးဝေးမနေနိုင်ကြသူများဖြစ်ကြသည့် အ လျောက် ရောက်ရာဒေသတွင် ဘုန်းတော်ကြီးကျောင်းတွေ တည်ထောင်နိုင်အောင် အရင်ဆုံးစီစဉ်ကြသည်သာ များပါ၏။ ယခုလည်း ကြည့်ပါချေ။ အမာရီလိုမြို့လေးတွင် အခြေချနေလျှက်ရှိသော ဗုဒ္ဓဘာသာမိသားစုများတို့သည် မိမိတို့အားထားကိုးကွယ်ဆည်းကပ်ရာ ဗုဒ္ဓ မြတ်စွာ သာသနာတော်ကြီး ထွန်းလင်းတောက်ပစေဖို့ ကျောင်းတော်တစ်ခုကို တည်ထောင်လာခဲ့သည်မှာ ငါးနှစ်ကျော် ခြောက်နှစ်တင်း တင်းပင် ရှိခဲ့ပါချေပြီ။

စာရေးသူသည် ၂၀၁၁ ဧပြီလတွင် ဤကျောင်းလေးသို့ သာသနာ့တာဝန်များ ထမ်းဆောင်နိုင်ရန် ရောက်ရှိခဲ့ပါ၏။ ရောက်ရှိလာချိန်မှ ယနေ့ အထိ တစ်နှစ်ခွဲကာလအတွင်း ကျောင်းတော်ဘက်စုံ မွမ်းမံပြင်ဆင်မှုများနှင့်အတူ ဘာသာရေး သာသနာရေးပွဲတော်များကို ကြိုးစားရွက် ဆောင်ခဲ့ရာ ယခုအခါ အမျိုးကောင်းသား အမျိုးသမီးပေါင်း (၁၀၀) ဝန်းကျင်အား  ရှင်၊ ရဟန်း၊ သီလရှင်များ အဖြစ်ဖြင့် သာသနာဘောင်အတွင်း သွတ်သွင်းနိုင်ခဲ့ပြီး ဖြစ်သလို တရားစခန်း လေးကြိမ်ဖွင့်လှစ်၍ တရားဓမ္မများကို ဓမ္မဒါနအနေဖြင့် ဆောင်ရွက်ကုသိုလ်ယူနိုင်ခဲ့ပြီးဖြစ်ပါ၏။

ထို့မျှမက.. ရေနံချောင်းဆရာတော်၊ နယူးယောက်ဆရာတော်၊ ဆရာတော်ဦးဇာဂရ (စာရေးဆရာ ကံထွန်းသစ်) ဝေဠုမြိုင်ဆရာတော်၊ မီ ဝေါကီးဆရတော်၊ ဖို့ဝိန်း ဇေတဝန်ကျောင်းဆရာတော်၊ ဒါးလက်စ်ဆရာတော် စသည်ဖြင့် ဆရာတော်များစွာကို ပင့်ဖိတ်ပြီးလည်း သြဝါဒ ခံယူခြင်း၊ သိမ်နှုတ် သိမ်သမုတ်ခြင်း စသည့် သာသနာရေးဆိုင်ရာများကို ကြိုးစားပြုလုပ်နိုင်ခဲ့ပါ၏။

မြန်မာနွယ်ဖွား တိုင်းရင်းသားပေါင်းစုံတို့အား မြန်မာစာ ရေး၊ ဖတ်သင်ပေးခြင်း၊ ယဉ်ကျေးလိမ်မာသင်တန်းများဖွင့်လှစ်ပြီး ဗုဒ္ဓဘာသာ ယဉ် ကျေး မှုသင်ခန်းစာများကို ပို့ချကုသိုလ်ယူခဲ့ရာ (၁၀၀) ကျော်သော ကျောင်းသူ ကျောင်းသားအပေါင်းတို့အတွက် အသိဉာဏ် ဗဟုသုတ တိုးတက်စေခဲ့သလို ဘာသာ သာသနာအကြောင်းလဲ အထိုက်အလျှောက် သဘောပေါက်သိမြင်စေနိုင်ခဲ့ပါပြီ။ သို့သော်လည်း အားရတင်း တိမ်ခြင်း မရှိနိုင်ခဲ့ပါချေ။ မိမိထက် တတ်သိ တော်ပြီး ပိဋကစာပေအရာ ကျွမ်းကျင်နားလည်သော ကျော်စောထင်ရှား ဆရာတော်များအား ပင့်ဆောင်၍ တရားအလှူ ပေးလှူလိုသော စေတနာပေါက်ဖွားခဲ့ပါ၏။

● ဒယ်အိုးမှသည် မိုးပေါ်ဆီသို့
ဤအတွေးများနှင့် အတူ စာရေးသူသည် မိမိအား ပစ္စည်းလေးပါး ထောက်ပံ့လှူဒါန်းနေသူ ကျေးဇူးရှင်များအား ကျေးဇူးဆပ်လိုသော စိတ် စေတနာနှင့် မိမိတည်နေရာ ဒေသပတ်ဝန်းကျင်နေ များစွာသော ရွှေ့ပြောင်းမြန်မာနိုင်ငံသားတွေအား သတိ သံဝေရပါစေဟူသော စိတ်စေ တနာဖြင့် ဓမ္မဒါန ဓမ္မပူဇာ တရားအလှူတော်ပွဲကြီးတခု ကျင်းပနိုင်အောင်ကြိုးစားခဲ့ပါတော့တယ်။

ထိုကြိုးစားမှု၏ ပထမဆုံးခြေလှမ်းအနေဖြင့်  ယခု ၂၀၁၂ စက်တင်ဘာလ ၂ ရက်နေ့မှ ၄ ရက်နေ့ အထိ နိုင်ငံကျော် ဓမ္မကထိက ကမ္မဋ္ဌာနာစ ရိယအကျော် ဆရာတော်ဦးသုမင်္ဂလ (ဒယ်အိုးဆရာတော်) အား အထူးပင့်လျှောက်ထား၍ တရားအလှူပွဲကြီးကို ဆင်ယင်ကျင်းပ လှူဒါန်းခဲ့ ရာ အမရီလိုမြို့ဒေသ အခြေချနေထိုင်ကြသော မြန်မာနိုင်ငံဖွား ဗုဒ္ဓဘာသာများစွာတို့က နေ့ညမစဲ တရားပွဲသို့အားခဲ လာရောက်နာယူ ကြ ပေရာ များစွာမှကြည်နူးဝမ်းသာစရာ ဖြစ်ခဲ့ပါချေပြီ။ ဆရာတော်ကလဲ ရောက်သည့်ရက်မှ ပြန်တဲ့ရက်အထိ မေတ္တာကရုဏာ ကြီးမားစွာဖြင့် ကိုးကြိမ်ကြိမ်တိုင်တိုင် အားရပါးရ ဟောဖေါ်ညွန်ကြားခဲ့ပါ၏။

တရားပွဲကာလ တလျှောက်လုံး အေးချမ်းသာယာခဲ့ပြီး တရားပွဲ ပြီးဆုံးသည့်ညတွင်တော့ သိကြားမင်းကပင်ဆင်း၍ သာဓုခေါ်လေသလား မသိချေ။ သုံးရက်တိုင်တိုင် မိုးဖြိုင်ဖြိုင် ရွာချုလေတော့၏။ ဆရာတော်၏ ကမ္ဘာကျော်လောက်သော အတွေးအခေါ်အယူအဆ ဟောပြောပို့ချ ချက်များကြောင့် တရားနာယူသူတို့၏ ရင်အတွင်းမှာ အသိဉာဏ်ဗဟုသုတတို့လည်း တိုးပွားထင်လင်းတောက်ပလာသလို အမာရီမြို့တွင်းလဲ တကယ် သာသနာရောင်လင်းခဲ့ပြီဟု ဆိုရမည်သာဖြစ်ပါ၏။

အချုပ်အားဖြင့်ဆိုရသော် မြတ်စွာဘုရားဟောကြားအပ်သော ပိဋကတ်တော်လာ ဒေသနာများဖြင့် တန်ဆာဆင်၍ နိုင်ငံကျော်ဒယ်အိုးဆရာ တော် ဟောကြားပြခဲ့သော တရားတော်များကို နာယူမှတ်သား လိုက်နာကျင့်ကြံရသောကြောင့်  ဒယ်အိုး (အဝီစိ ငရဲ) ရောက်သွားနိုင်သည့် ဒုစရိုက် အတွေးမိုက်အကျင့်များကို ရှောင်ရှား၍ ကုသိုလ်သုစရိုက်တရားတွေ ကြိုးစားအားထုတ်ပါမူ ဒယ်အိုးဘေးမှကင်းဝေးပြီး နတ်ပြည် ဗြဟ္မာ့ပြည်တို့တည်ရာ မိုးပေါ်ဆီသို့ ရောက်နိုင်ပါသည်ဟုသာဆိုက်လိုက်ချင်ပါတော့သတည်း … ။

အရှင်နန္ဒဝံသ (ဇေယျသုခ ဓမ္မရိပ်သာ)
စက်တင်ဘာ ၂၇၊ ၂၀၁၂

ဗုဒ္ဓသာသနာထွန်းလင်းရန် အမရီလိုကကြေးစည်သံ

အမာရီလိုဆိုတာ အ၀ါရောင်ပါ 

အခု စာရေးသူသီတင်းသုံးနေတဲ့နေရာလေးကတော့ အမေရိကန်နိုင်ငံ၊ တက္ကဆက်ပြည်နယ်ရှိ အမာရီလိုလို့ခေါ်သည့် မြို့ငယ်လေးတစ်မြို့ပါ ပဲ။ ဒီမြို့လေးမှာ မြန်မာပြည်ဖွား တိုင်းရင်းသားလူမျိုးပေါင်းစုံ အခြေချနေထိုင်လာခဲ့ကြတာ ဆယ်စုနှစ်တစ်ခုမကရှိခဲ့ပါပြီ ။ မြန်မာပြည်တွင်းမှ နေ အကြောင်းအမျိုးမျိုးကြောင့် ထိုင်းနိုင်ငံ၊ မလေးရှားနိုင်ငံတို့မှတဆင့် ရောက်လာသူပေါင်းများစွာရဲ့ ခိုကိုးရာမြို့လေးဆိုရင်လဲ မှားအံ့မထင် ပါချေ။ အင်ဒီယားနားပြည်နယ် ဖို့ဝိန်းမြို့၊ နယူးယောက်ပြည်နယ်က ဘတ်ဖလိုး၊ ယူတီကာ၊ အော်ဘနီမြို့များတို့လို မြန်မာနိုင်ငံဖွား တိုင်း ရင်းသားပေါင်းစုံအများအပြား အခြေချနေထိုင်လျှက်ရှိသော မြို့လေးတစ်ခုပဲဖြစ်ပါတယ်။ အမာရီလိုဆိုတဲ့အမည်ဟာ အမာရီယိုဟူသော စပိန်စကားမှဆင်းသက်လာပြီး အဝါရောင်ဟုအဓိပ္ပါယ်ရှိပါတယ်။ 

● အရောင်မျိုးစုံ လူမျိုးစုံ 

အမာရီလိုမြို့လေးမှာနေထိုင်သူတွေကို ခွဲခြားကြည့်တဲ့အခါ ကမ္ဘာ့ဒေသပေါင်းစုံက ပြောင်ရွှေု့ခိုလှု့ရောက်ရှိလာသူတွေက များပါတယ်။ မြန်မာနိုင်ငံဖွား ကရင်၊ ကယား၊ ကချင်၊ ချင်း၊ မွန်၊ ဗမာ၊ ရခိုင်၊ ရှမ်း၊ ပအိုဝ့်၊ ပလောင် တိုင်းရင်းပေါင်းစုံတို့ရှိကြသလို ဂွာလတီမာလာ၊ ဆိုမာ လီယား၊ စပိန်၊ မက္ကဆီကန်နဲ့ ဗီယက်နမ်၊ လာအို စသည်ဖြင့်လဲ ကမ္ဘာ့လူမျိုးပေါင်းစုံတို့ အတူတကွ မှီတင်းနေထိုင်ကြတဲ့ မြို့လေးဖြစ်ပါတယ်။ 

● မြန်မာရောက်ရာ သာသနာပါ

 မြန်မာနိုင်ငံသား အများအပြားတို့ဟာ ဗုဒ္ဓမြတ်စွာဘုရားကို အားထားယုံကြည် ကိုးကွယ်သူများဖြစ်ကြသည့်အလျောက် မြန်မာတို့ရောက် ရာမှာလဲ ဗုဒ္ဓသာသနာသည် တွဲပါလာပါတော့တယ်။ ဒီမြန်မာနိုင်ငံဖွား ဗုဒ္ဓဘာသာအများစုကိုအမှီပြု၍လည်း ယနေ့အချိန်အခါမှာ ကမ္ဘာအနှံ့ ဗုဒ္ဓဒေသနာတော်တွေ ပြန့်ပွား လာတယ်ဆိုရင် လွန်အံ့မထင်ပါ။ ယနေ့ ကမ္ဘာအရပ်ရပ်သို့ မြန်မာနိုင်ငံသားများ ရွှေ့ပြောင်းနေထိုင်မှုနဲ့ အတူ ထိုသူတို့ရဲ့ စေတနာသဒ္ဓါအား ထက်သန်စွာ ပင့်လျှောက်ထားမှုတွေကြောင့် တိုင်းသိ ပြည်ကျော် သာသနာပြုဆရာတော်တွေက လိုက်ပါကြွရောက်ပြီး တရားဒေသနာများဟောကြားပြသနေတာဟာ ကမ္ဘာအတွင်း သာသနာအရောင်လင်းဖို့ အကြောင်းရင်းလို့သာ ဆို လိုက်ချင်ပါတော့တယ်။  

● ကြိုးစားသလောက် အရာရောက်နိုင် 

အမေရိကန်ရောက်လာကြတော့ လူတိုင်းလူတိုင်းရဲ့လူနေမှုအဆင့်တွေဟာလဲ ရေမြေဒေသကိုလိုက်ပြီးမြင့်လာတာတော့ အမှန်ပါပဲ။ ရောက်ရောက်ချင်းကာလတွေမှာ သက်ဆိုင်ရာပြည်နယ်ရဲ့အထောက်အပံ့ကို မှီခိုအားထားနေနိုင်ကြသလို အခြေခံစကားပြောသင်ခန်းစာ မှအစ အင်္ဂလိပ်စာစကားကိုလဲ သင်ယူနိုင်တာပါပဲ။ ဒီတော့ ကိုယ်ကြိုးစားရင် ကြိုးစားသလောက် ထွန်းပေါက်အောင်မြင်နိုင်တဲ့ အခွင့်ရေး ရရှိနိုင်တယ်လို့ ဆိုနိုင်မယ်ထင်ပါတယ်။ ဒီတော့လဲ ရောက်ပြီးမကြာမီပဲ လူတိုင်းနီးနီးဟာ ကိုယ်ပိုင်ကားစီးလို့ ခေတ်ပေါ်ပစ္စည်းအသီးသီးကို သုံးစွဲလာနိုင်တော့တာပေါ့။ မိမိတိုရဲ့ ရင်နှစ်သည်းချာ သားသမီးရတနာလေးများရဲ့ အနာဂတ်ပညာရေးဟာလဲ မိဘလိုချင်တဲ့အတိုင်း ပုံ သွင်းထုဆစ်နိုင်ဖို့ အခွင့်ရေးရလာတယ်လို့လဲ ဆိုနိုင်ပါတယ်။ လူ့အခွင့်အရေးနှင့် ပညာရေးကိုဦးစားပေးတဲ့ နိုင်ငံကြီးပီပီ တကယ်ကြိုးစားသူ အတွက်တော့ ကြိုးစားသလောက် အရာရောက်နိုင်တယ်လို့ ပြောရပါလိမ့်မယ်။ 

● ကောင်းကျိုးလည်းရှိ ဆိုးကျိုးရှိ 

 အထက်မှာဖေါ်ပြခဲ့သလို ကောင်းကျိုးတွေရှိသလို ဘေးထွက်ဆိုကျိုးတွေက များပြားလှပါတယ်။ လူ့အခွင့်ရေးဆိုတဲ့စကားလုံးအောက်မှာ မိသားစုအတွင်းပြဿနာကိုသော်မှ ကိုယ်ပိုင်နိုင်နင်းအောင်မရှင်းနိုင်တာတွေ ပြည့်နေလေရဲ့ပေါ့။ လူမှုရေး ရှုပ်ထွေးပွေးလီမှုကလဲ ကျော်မ ကောင်း ကြားမကောင်းတွေ ကြုံလာရသလို၊ မြန်မာယဉ်ကျေးမှု၊ ဓလေ့ထုံးစံတွေကို ကျောခိုင်းလာတာတွေလဲ အများသားပါ။ ဒီတော့ သား သမီးတွေကို မြန်မာနိုင်ငံတွင်းမှာလို လိုအပ်သလိုသွန်သင်ဆုံးမခွင့်မရတဲ့မိဘတွေမှာ အမေရိကန်လာမိတာ မှားပြီလားလို့ပင် သံသယဝင် မိကြပါသတဲ့။ 

● ကောင်းကျိုးထက်ကို ဆိုးကျိုပိုသလား 

အမေရိကန်ရောက်လာတဲ့ သူတိုင်းဟာ အကြွေးနဲ့ကင်းသူ မရှိသလောက်ပဲလို့ ဆိုကြပါတယ်။ ကိုယ်ပိုင် အိမ်၊ ကား ဝယ်ယူထားသူတိုင်းဟာ လစဉ်ပေးစနစ်နဲ့ဖြစ်လေတော့ ဒီငွေတွေကို အချိန်မှီပေးနိုင်အောင် ကြိုးစားရပါတယ်၊ သားသမီးတို့အတွက် လိုအပ်ချက်တွေရယ်၊ စား၊ ဝတ်၊ နေရေး၊ ကျန်းမာရေးရယ်နဲ့ အရေးတွေတွေးပြီး စိတ်အေးအေးမနေနိုင်သူ များလှပါတယ်။ ဒီကြားထဲမှာ တစ်ချို့သားသမီးတွေက ဘာသာခြား လူမျိုးခြားကိုမှ အထင်ကြီးအားကျပြီး မိဘမေတ္တာကို စော်ကားမော်ကားပြုလုပ်လာတာတွေလဲ မနဲပါဘူး။ ကျေးဇူးဆပ်ဖို့ ဝေလာဝေး၊ ကျေး ဇူးကိုတောင်မှ မသိကြပါဘူး။ ဒီလိုမိဘမေတ္တာနားမလည်တဲ့ သားဆိုး သမီးဆိုးမျိုးပါလာတဲ့မိသားစုတွေမှာ ပြဿနာမျိုးစုံ ဒုက္ခမျိုးစုံကို ကြုံ နေရပါတော့တယ်။ ဒီတော့လဲ ကောင်းကျိုးထက် ဆိုကျိုးကများ ပိုနေသလားလို့ အတွေးများမိပြန်ပါတယ်။ 

● မသိနားမလည် များပါတယ် 

တကယ်တော့ အထက်ဖေါ်ပြပါ ဖြစ်ရပ်ဆိုး ပြဿနာအမျိုးမျိုးတွေဟာ၊ တကယ်အဆင့်မြင့် ဘာသာရေးနှင့် လူ့ယဉ်ကျေးမှု စာရိတ္တ သင်ခန်း စာတွေ သင်ယူလေ့လာဖတ်ရှုဖူးပြီး မိဘဆရာသမားကောင်းတို့ရဲ့ သွန်သင်ညွှန်ပြ ဆိုဆုံးမမှုတွေကို ခံယူရရှိသူတွေမှာ မတွေ့မကြုံရတာကိုလဲ သတိပြုမိပါတယ်။ အကြောင်းအမျိုးမျိုးကြောင့် လူကြီးမိဘတွေရော သားသမီးငယ်တွေပါ ဘာသာရေး၊ လူမှုရေး၊ ပညာရေး မဆည်းပူး မ လေ့လာခဲ့ကြရလေတော့ ဒီလိုဗဟုသုတမပြည့်စုံခြင်းသည်ပင် ဒီပြဿနာတို့ဖြစ်ပေါ်ရခြင်းအကြောင်းရင်းဖြစ်မယ်လို့ တွေးကြည့်မိတာပါ။ ကလေးတွေကိုမေးကြည့်တဲ့အခါမှာလဲ ဆိုးချင်လို့ဆိုးနေကြတာမဟုတ်ပဲ မြန်မာစာပေနဲ့ ယဉ်ကျေးမှု စာရိတ္တသင်ခန်းစာတွေ မသင်ဖူးလို့ ဘာကိုမှ မသိနားမလည်လို့ဖြစ်နေကြတာ တွေ့ရပါတယ်။ 

● စာပေနဲ့ဝေး ယဉ်ကျေးမှုဝေး  

အခြားဒေသတွေ အခြေချနေသူတွေတော့ မပြောတတ်ပါဘူး။ အမာရီလိုမှာ အခြေချနေကြသူတွေကတော့ စာပေဖတ်ရှုလေ့လာမှုအားနဲ တာကို သတိပြုမိပါတယ်။ မိဘတွေကိုယ်တိုင်က စာပေမဖတ်ကြတော့ သားသမီးတွေကလဲ အားရင် ကွန်ပြူတာတစ်လုံးနဲ့ အချိန်ကုန်တော့ တာပေါ့။ ဂိမ်းဆော့မယ်၊ ချက်ရွန်းထိုင်မယ်၊ ကာတွန်းကြည့်မယ်၊ ရုပ်ရှင်ကြည့်မယ် ဖြစ်လာတော့တာပါပဲ။ တကယ်လို့သာ အလိမ်မာစာပေ ယဉ်ကျေးမှု စာပေတွေဖတ်ရှုဖို့ မိဘတွေက အားပေးမယ်၊ စီစဉ်ပေးမယ်ဆိုရင် တကယ်ဆိုးမိုက်မိုက်ကလေးဆိုတာ ရှားမယ်ထင်ပါတယ်။ ဒီ လို မသိနားမလည်တဲ့ ကလေးငယ်တွေကို မြန်မာစာပေယဉ်ကျေးမှုနဲ့ ဗုဒ္ဓဘာသာအခြေခံ စာရိတ္တသင်ခန်းစာတွေ သင်ပေးနိုင်မယ်ဆိုရင် တကယ်တော် တကယ်လိမ္မာတဲ့ကလေးတွေ ဖြစ်လာနိုင်မှာပါလို့ ယုံကြည်မိပါတယ်။ 

● မိဘမေတ္တာ လိုချင်ရှာ  

တချို့မိဘတွေဟာ စက်ရုံအလုပ်ရုံတွေမှာ အချိန်ပိုဆင်းတာနဲ့အတူ အမြဲတမ်း အလုပ်များနေတတ်ကြပါတယ်။ မိဘတွေအိမ်ရှိတော့ သား သမီးတွေက ကျောင်းသွားချိန်၊ သားသမီးတွေအိမ်ရောက်တော့ မိဘကအလုပ်မှာ ဖြစ်နေကြတာများပါတယ်။ အလုပ်အားရက်များရောက် ပြန်တော့လဲ ဈေးဝယ်၊ အဝတ်လျှော်၊ အိမ်သန့်ရှင်း၊ ဟိုမိတ်ဆွေ ဒီမိတ်ဆွေ၊ ဟိုအပွိုင့်မန့် ဒီအပွိုင့်မန့်နဲ့ သားသမီးများနားမှာ နေအားချိန် မရှိကြပါဘူး။ ဒီတော့လဲ ငြိမ်ပြီးရောဆိုပြီး သားသမီးအကြိုက် အိုင်ပေါ့၊ ဖုန်း၊ လက်တော့ပ် လိုချင်တာဝယ်ပေးပြီး အခန်းတွင်းသွင်းထားကြ တော့တာပါပဲ။ အဆိုးဆုံးက သားသမီးတွေပစ်ထားပြီး အရက်သောက် ဖဲကစား၊ ငါးမျှား၊ တောလိုက်လုပ်နေကြတော့ သားသမီးတွေဟာ မိ ဘအပေါ် အထင်ကြီးလေးစားမှုတွေ လျှော့ကုန်တာပါပဲ။ တွေ့ကြုံရဖူးသလောက်တော့ ကလေးတွေဟာ မိဘမေတ္တာလိုနေတာလို့ နားလည် မိပါတယ်။ 

● အထင်သေးတာ ပြင်သင့်ပါ 

 အမေရိကန်ရောက်လာပြီးနောက် တိုင်းတပါးယဉ်ကျေးမှုနဲ့ ဘာသာခြား လူမျိုးခြားကိုမှ အထင်ကြီးအားကျပြီး ကိုယ့်စာပေ၊ ကိုယ့်ယဉ်ကျေး မှုကို အထင်သေးကြသူတွေကိုလဲ တွေ့ဖူးပါတယ်။ သားသမီးတွေတက်နေတဲ့ကျောင်းတိုင်းသည် ဘာသာခြား လူမျိုးခြားတို့ရဲ့နယ်ပယ်မို့ သားသမီးတွေအထင်ကြီးကုန်တာ အပြစ်မဆိုသာပါဘူး။ အချို့မိဘတွေကိုယ်တိုင်ပင်လျှင် ယောင်ဝါးဝါးနဲ့ဖြစ်နေကြတာ တွေ့ရတော့ စိတ် မကောင်းမိဘူးပေါ့။ ကျောင်းမှာ အတန်းမှာ ဘာသာခြား လူမျိုးခြားတို့ကမေးလာတဲ့အရာကို သားသမီးတွေကမသိလို့ ပြန်မဖြေနိုင်လို့ မိဘ တို့ကိုမေးတဲ့အခါ မိဘတို့ကိုယ်တိုင်ကလဲ ပြန်မဖြေတတ်တော့ကြပြန်ပါဘူး။ ဒီတော့ သားသမီးတွေဟာ မိဘရဲ့ကိုးကွယ်အားထားရာ ဘာ သာ သာသနာအပေါ်မှာရော စာပေနဲ့ယဉ်ကျေးမှုမှာပါ လိုက်ပါအထင်သေးလာပါတော့တယ်။ ရလဒ်ကတော့ ဘာသာခြား လူမျိုးခြားတို့ ပြောပြရာကိုယုံကြည်ပြီး မိမိဘာသာကို စွန့်ပယ်သွားကြတာပါပဲ။ ဒီလိုနဲ့ သားသမီးတွေဟာ မိဘရှေ့မှာရော ကွယ်ရာမှာပါ တကယ်အမေရိ ကန်စတိုင်ကိုအထင်ကြီးပြီး လွတ်လပ်မှုအပြည့်ယူကြပါတော့တယ်။ ဒါကြောင့် ကိုယ့်ရဲ့ကိုယ်ပိုင်စာပေနဲ့ ယဉ်ကျေးမှု၊ ဘာသာသာသနာ အ ပေါ်မှာ အထင်မြင်သေးမှုတွေကိုလျှော့ချပြီး သားသမီးများကို အားပေးအားမြှောက်ပြုစေချင်မိပါတယ်။ 

● အမာရီလိုမှာ သာသနာ 

မိမိတို့သားသမီးမျိုးဆက်များအား အမျိုးဘာသာ ယဉ်ကျေးမှုအမွေ လက်ဆင့်ကမ်းနိုင်ရန်ရည်စိတ်သန်ပြီး အမရီလိုဒေသရောက်နေကြတဲ့ ဘာသာသာသနာကို ချစ်မြတ်နိုး တန်ဖိုးထားသူတွေဟာ စုပေါင်းပြီး ဘုန်းကြီးကျောင်းတည်ထောင်ခဲ့ကြပါတယ်။ တတ်နိုင်သမျှ စုပေါင်းလှူ ဒါန်းပါဝင်ကြလို့ ဆွမ်းရေးကအစ လစဉ်ရေဖိုး မီးဖိုးဆိုတာ ပြည့်မှီနေပါသေးတယ်။ သက်ဆိုင်ရာ ဘာသာရေး သာသနာရေးပွဲတော်များကိုလဲ စည်ကားစွာကျင်းပဖြစ်နေတော့ သာသနာထွန်းကားသလိုလိုပါပဲ။ 

● အကာကိုပင် အနှစ်ထင်နေ 

ခက်တာက မိဘတွေကိုယ်တိုင် ဒီကျောင်းကို ဘာကြောင့်တည်ထောင်ခဲ့ကြသလဲဆိုတဲ့ရည်ရွယ်ချက်တွေကို မေ့နေပုံရပါတယ်။ ကျောင်းကို သွားရမှန်း လာရမှန်း မသိကြပါဘူး။ လစဉ် တတ်နိုင်သမျှ အလှူငွေထည့်နေရုံမျှနဲ့ ကျေနပ်နေကြတာများပါတယ်။ သာရေး နာရေး ကြုံလာတဲ့ အခါမှ ဘုန်းကြီးပင့် ဆွမ်းကပ်၊ လှူဒါန်းမှုပြုနေကြတော့ ကျောင်းသည်၎င်း၊ ဘုန်းကြီးသည်၎င်း ဘာသာရေးဆိုင်ရာ ခန်းဝင်ပစ္စည်းသဖွယ် ဖြစ်နေပါကလားလို့ ခံစားမိရပြန်ပါတယ်။ မိမိတို့သားသမီးများသည် ဘာသာခြား လူမျိုးခြားများနှင့်သာ အိမ်ထောင်ကျသွားမယ်ဆိုရင် ဒီ သားသမီးတွေက မိဘတို့ရဲ့ ရိုးရာယဉ်ကျေးမှု ဘာသာသာသနာ့အမွေကို ခံယူကြပါမည်လား စဉ်းစားစရာပါ။ တကယ့်သာသနာတော်ရဲ့ အ နှစ်သာရဖြစ်တဲ့ သီလ၊ သမာဓိ၊ ပညာ၊ သိက္ခာသုံးပါး ကိုယ်ကျင့်တရားကိုဖယ်ထားပြီး အပေါ်ယံပွဲတော်တွေလောက်၊ (သို့မဟုတ်) လစဉ် ပါ ဝင်လှူဒါန်းပေးမှုမျှနဲ့ အားရတင်းတိမ်နေမယ်ဆိုရင်ဖြင့် အနာဂတ်သာသနာရေးဟာ မတွေးရဲစရာပါ။ 

● သားသမီးတွေ ကျောင်းပို့စေချင် 

 ကြုံပါများရင် ကြိုက်ပါသတဲ့။ မြင်ပါများရင် ခင်ပါသတဲ့။ သားသမီးလေးတွေ မြန်မာစာပေနဲ့ယဉ်ကျေးမှုကို သိရှိနားလည်လာရန်မှာ ဘုန်းတော် ကြီးကျောင်းတွေအရောက်များဖို့ လိုပါလိမ့်မယ်။ ဒါမှသာလျှင် အထိအတွေ့များလာပြီး ယဉ်ကျေးမှုကျင့်ဝတ်တွေ နားလည်လာနိုင်မှာပါ ။ ဒီထက်စွမ်းနိုင်ရင် ကျောင်းတွေကဖွင့်လှစ်ပို့ချတဲ့ မြန်မာစာ ရေးဖတ်သင်တန်း၊ ယဉ်ကျေးလိမ္မာသင်တန်းတွေရောက်အောင် မိဘတွေကိုယ် တိုင်က တာဝန်ယူ အားပေးပို့ပေးစေချင်မိပါတယ်။ ဒါဟာ အမိမြန်မာနိုင်ငံမဟုတ်ဘူးဆိုတာ နားလည်ထားရမှာပါပဲ။ မြန်မာမှာတော့ ဘာ သာခြား လူမျိုးခြား အထင်ကြီးပြီး ဘာသာပြောင်းခြင်း မိဘမေတ္တာ အထင်သေးစော်ကာခြင်းဖြစ်မှာ မစိုးရိမ်ရပါဘူး။ မြန်မာမှာက ကျေးဇူးသိ တတ်မှုနဲ့ ဗုဒ္ဓစာပေယဉ်ကျေးမှုက အထိုက်အလျှောက် လွှမ်းမိုးမှုရှိနေသေးတယ်လို့ ပြောလို့ရနိုင်နေသေးလို့ပါ။ 

● သတိ သံဝေ ရစေချင် 

တကယ်တော့ မိမိတို့နေ့စဉ်ကျင်လည်လှုပ်ရှား လုပ်စားနေရတာတွေကို ပြန်ပြီိးစဉ်းစားစေချင်ပါတယ်။ လောဘ၊ ဒေါသ၊ မောဟ၊ မာန်မာန၊ မနာလို ၀န်တိုမှုတွေနဲ့ချည်း မိုးလင်းမိုးချုပ် အလုပ်လုပ်နေခဲ့ရတာပါ။ ဒါတွေဟာ တကယ်တော့ အကုသိုလ်တရားတွေချည်းပါပဲ။ ဒီိအကုသိုလ် တရားတွေဟာ ဆိုးကျိုးတွေကိုသာ ပေးတတ်တာမျိုးပါ။ ဒီလိုနေ ဒီလိုသေရရင်ဖြင့် သက်ရှင်ထင်ရှားရှိစဉ်လဲ ဆိုးကျိုးတွေနဲ့ ကြုံရနိုင်တယ်။ သေပြီးနောက်ကာလမှာလဲ အပ္ပါယ်လေးထွေဟာ မိမိအတွက် လားရာမြေဖြစ်မှာ သေချာနေပါပြိီ။ ရုပ်ဝတ္ထု ဖွံ့ဖြိုးတိုးတက်မှုနောက်သာ ကောက်ကောက်ပါအောင်လိုက်ခဲ့မယ်ဆိုရင်ဖြင့် ကိုယ့်အနာဂတ်ကို သစ္စာဖောက်တာနဲ့အတူတူပဲလို့သာ ဆိုလိုက်ချင်ပါတော့တယ်။ ဒါပေမဲ့ သတိမမူ ဂူကိုမမြင်ဆိုသလို သတိသံဝေဂမရနေသေးသမျှတော့ ဒါတွေကို တွေးဖြစ်ကြမှာမဟုတ်ပါဘူး။ ဒါကြောင့် သတိသံဝေဂ ရကြပါစေ လို့သာ ဆုတောင်းနေရုံပေါ့။ 

● ကြိုးစားခဲ့သည် အောင်ခဲ့ပြီ 

အထက်ဖေါ်ပြပါ အတွေးတွေရှိခဲ့သည်နှင့်အညီ စာရေးသူဟာ အမရီလိုမှာ စတင်အခြေချနေခဲ့သည့် ၂၀၁၁ ဧပြီလမှ ယနေ့အထိ ကြိုးစားပြီး အကောင်ထည်ဖေါ်ဖြစ်ခဲ့ပါတယ်။ ကျောင်းသူ ကျောင်းသားတစ်ရာကျော်အား ယဉ်ကျေးလိမ္မာသင်တန်းတွေပို့ချဖြစ်ခဲ့သလို မြန်မာစာ ရေး တတ် ဖတ်တတ်အောင်လဲ ကြိုးစားပေးခဲ့ပါတယ်။ ထို့အပြင် အမျိုးကောင်းသား/သမီး ၁၀၀ ၀န်းကျင်ကို ရဟန်း၊ သာမဏေ သီလရှင်အဖြစ် သွတ်သွင်းပြီး စိတ်ဓါတ်ခွန်းအားမြှင့်တင် စာရိတ္တသင်ခန်းစာတွေပို့ချသင်ပေးနိုင်ခဲ့သလို တရားစခန်း လေးကြိမ်ဖွင့်လှစ်ပြီး ဝိပဿနာ တရား တော်များကို ဟောကြားပို့ချလို့ အောင်မြင်မှုတချို့တော့ရခဲ့ပြီလို့ ပြောနိုင်ပါပြီ။ ထို့ပြင်လည်း ထင်ပေါ်ကျော်ကြား ဆရာတော်များကိုပင့်ပြီး တရားတော်များကို အားရရွှင်ပျော် အလှူတော်လုပ်နိုင်ခဲ့ပါပြီ။ 

● ဘီလူးပျော်ရာ အရပ်ပါတဲ့ 

ဒယ်အိုးဆရာတော်ကြွရောက်ပြီး တရားဟောခဲ့စဉ်က ဒီအရပ်ဟာ ဘီလူးတွေပျော်တဲ့ အရပ်တဲ့။ ဘာလို့လဲဆိုတော့ သားစိမ်းငါးစိမ်းတွေ ပေါ လို့တဲ့။ ဟုတ်တယ်လေ နေ့စဉ် နေ့စဉ် နွားကောင်ရေ လေးငါးထောင်သတ်ဖြတ်ပြီး အမဲသားထုတ်ပိုးနေတဲ့အရပ်ကိုး။ ဒါတင်မက အလုပ် အားရက်တွေမှာ တောထဲသွား သမယ် ဒရယ် ဆတ် သတ္တဝါတွေ ပစ်ခတ်သတ်ဖြတ်ကြ၊ မြစ်ချောင်း ဆည် ကန်ရှိရာသွား ငါးမျှားအပန်းဖြေ၊ သောက်စားမူးယစ် ဖဲကစားနေ စသည်တွေက အကုသိုလ်နဲ့ပျော်တဲ့ အပျော်တွေချည်းမလား။ ဒါကြောင့်ပဲထင်ပါရဲ့ အရပ်ဒေသနေ လူတွေ မှာ ပြဿနာမျိုးစုံ ကြုံနေကြလေရဲ့။ ထစ်ကနဲဆို သတ်မယ် ဖြတ်မယ် ထိုးမယ် ကြိတ်မယ်ဆိုတာချည်းပဲ။ ဧကန္တ ဘီလူးစီးနေလို့လား မသိ နိုင်တာနော်။ အဖွဲ့စည်းတွေ အကွဲအပြဲတွေဆိုတာလဲ မပြောပါနဲ့တော့။ မဖွဲ့ရသေးဘူး ကွဲဖို့ပြင်နေကြလေရဲ့။ 

● ကုသိုလ်တိုးရန် လှည့်ဆွမ်းခံ 

ဒီလို အကုသိုလ်များနေကြတဲ့သူတွေ သတိသံဝေဖြစ်စေဖို့ရယ်၊ နေ့စဉ် ကုသိုလ်တွေတိုးပြီး အကုသိုလ်ကံဆိုးတွေကို ချေဖျက်နိုင်ဖို့ရယ် တွေးပြီး စားရေးသူနဲ့အတူနေ ရဟန်းများဟာ နေ့စဉ် ရပ်ကွက်အတွင်း အိမ်စဉ်ဆွမ်းခံကြွဖြစ်နေပါတယ်။ နံနက်ကိုးနာရီကျော်ပြီဆိုရင်ဖြင့် အကျိုးဆောင်ဥပသကာများက ကားကိုယ်စီနဲ့ရောက်လာပြီး ရဟန်းသံဃာများနှင့်အတူ ရပ်ကွက်ထဲ ဆွမ်းခံလိုက်ကြပါတယ်။ အိမ်နေသူ သက်ကြီးရွယ်အိုများက အားရဝမ်းသာကြသလို ကလေးသူငယ်များကလဲ ဦးတော်လုပ်တတ်နေကြလေပြီပေါ့။ ဥပါသကာများရဲ့ ဆွမ်း တော်ဗျို့…ဆိုတဲ့အသံရယ် ကြေးစည်သံရယ်ကြားရတဲ့အခါ အိမ်တိုင်းရဲ့တံခါးလေးတွေဟာ ပွင့်လာစမြဲဖြစ်ပြီး အိမ်ထဲပင့်ဆောင် ဆွမ်း လောင်းကြပါတော့တယ်။ 

● အလျံပယ်ကို ပေါပါတယ် 

သံဃာလေးပါးဆွမ်းခံမှုဟာ ရပ်ရွာအတွက် ကျက်သရေတိုးလာသလို ကောင်းကျိုးတွေကိုလဲတိုးစေမှာအမှန်ပါ။ ထို့အပြင် ဗုဒ္ဓဘာသာ ဓ လေ့ထုံးစံကိုလဲ မျိုးဆက်သစ်တို့အား ပြသရာရောက်ပါတယ်။ တစ်ခါတစ်ရံမှာဆို ဘာသာခြား လူမျိုးခြားတို့က အံ့အားသင့်စွာ ရပ်ကြည့်နေ တာ၊ သဒ္ဓါနဲပါးသူတွေ သဒ္ဓါပွားများလာတာတွေလဲ တွေ့ရပါတယ်။ ဒီဆွမ်းခံလို့ ရသမျှအဟာရကတော့ တစ်နေ့ လူလေးငါးဆယ် စား လောက်တယ်ဆိုရင် လွန်အံ့မထင်ပါဘူး။ ကျောင်းလာသမျှ ကျွေးမွေးလို့ ပိုလျှံတာတွေကို ညနေပိုင်း အလုပ်မှပြန်လာသူတွေကို ကျွေးခြင်း ရပ်ထဲ ပြန်လည်စွန့်လွှတ်လှူဒါန်းခြင်းတွေကိုပင် ပြုလုပ်နိုင်ပါသေးတယ်။ ဒီတော့ ကုသိုလ်တွေတိုးပြီးရင်း တိုးနေတယ်လို့ ပြောရမလိုပါပဲ။ ဒယ်အိုးဆရာတော် တရားဟောရန်ကြွလာစဉ်ကဆိုရင် စာရေးသူတို့မြို့လေးကို မြန်မာပြည်ပြန်ရောက်နေသလားလို့တောင် ခံစားရကြောင်း မိန့်သွားလေရဲ့ပေါ့။ 

● အေးချမ်းသာယာ ကျက်သရေဖြာ 

ဒီလိုနဲ့ ရပ်ကွက်အတွင်းနေ စေတနာရှင်တွေမှာလဲ နေ့စဉ်ဆွမ်းချက်ဖို့ကအစ ဆွမ်းလောင်တာအဆုံး အလေးထားလုပ်လာကြတော့ ကုသိုလ် တွေ တိုးနေကြပါပြီ။ အရင်က အကုသိုလ်အတွေးတို့နေရာမှာ ကုသိုလ်အတွေးတို့က၎င်း၊ အကုသိုလ်စကားတို့နေရာမှာ ကုသိုလ်စကား တို့က၎င်း၊ ဒုစရိုက်များနေရာမှာ သုစရိုက်တရားတို့က၎င်း အစားထိုးနေရာယူလာသောအခါ ရပ်ရွာလေးသည် အရင်ကလိုမဟုတ်တော့ပဲ အေးချမ်းသာယာသလို ကျက်သရေမင်္ဂလာပိုရှိလာသလိုလို ခံစားလာရပါတော့တယ်။ စာရေးသူတို့ကလဲ မေတ္တာပို့၊ ဂုဏ်တော်ပွားပြီး သွား ကြသလို ဆွမ်းလောင်းပီးတိုင်းလဲ ဘ၀တု သဗ္ဗမင်္ဂလာ သုံးဂါထာကို ရွတ်ဖတ်မင်္ဂလာပြု ဆုတောင်းပေးလေ့ရှိပါတယ်။ ဒီတော့ မကောင်းသော နာနာဘာဝ ဝိနာဘာဝ ပရလောကသားတို့ရှိခဲ့မယ်ဆိုရင်လဲ ပြေးကုန်လောက်ပြီ၊ ခွာကုန်လောက်ပြီ ထင်ပါတယ်။ ဘီလူးတွေလဲ မလာနိုင် တော့ပြီဟုသာ ယုံကြည်လိုက်မိပါတော့တယ် ။

 ● အမာရီလိုက ကြေးစည်သံ  

အချုပ်အားဖြင့်ဆိုရသော် အမေရိကန်နိုင်ငံတလွှားမှာ စာရေးသူနေတဲ့ အမာရီလိုမြို့လေးကဲ့သို့ဒေသတွေ အများအပြားရှိနေသလို အမရီလို ရောက် မြန်မာနိုင်ငံဖွား တိုင်းရင်းသားများလိုပဲ ဘ၀ကို ရင်ဆိုင်ယှဉ်ပြိုင်နေကြသူတွေ အများကြီးရှိလိမ့်မယ်လို့ ယုံကြည်ပါတယ်။ ဘဝတူ တိုင်းရင်းသားညီအကိုများအနေဖြင့် ဒီဆောင်းပါးပါ အတွေးလေးတွေကို ဖတ်ရှုပြီးနောက်မှာတော့ မိမိဘဝနဲ့ လုပ်ကိုင်စားသောက်နေရတဲ့ အနေထားကို ကိုယ်ပိုင်ဉာဏ်နဲ့ ဆင်ခြင်သိမြင်သဘောပေါက်လျှက် သတိသံဝေရကြပါစေလို့ ဆန္ဒပြုမိပါတယ်။ အကုသိုလ်ဒုစရိုက်အတွေး များ နေရာမှာ ကုသိုလ်သုစရိုက်အတွေးများနဲ့ အစားထိုးကြစေချင်ပါပြီ။ မြန်မာစာပေယဉ်ကျေးမှုနဲ့ ဘာသာ သာသနာ ဓလေ့ထုံးစံတွေကို သားသမီးမျိုးဆက်သစ်တို့အား လက်ဆင့်ကမ်းအမွေပေးစေချင်ပါပြီ။ အမာရီလိုမှာတော့ နေ့စဉ် နေ့စဉ် ကြေးစည်သံတို့ ဆူလို့၊ ညံလို့ လွင့် ပျံလို့နေပါပြီ။ ဒီကြေးစည်သံလေးကို ကြားရသူတိုင်းသည်လည်း ငါတို့ရဲ့ချွေးနဲစာလေးတွေနဲ့ စုဆောင်း စုပေါင်းတည်ထောင်ထားတဲ့ကျောင်း တော်လေးအတွက် အမွေခံမျိုးဆက်သစ်လေးတွေ ပြုစုပျိုးထောင်ခဲ့ဖို့လိုတယ်။ မိမိတို့ကိုယ်တိုင်လဲ ကျောင်းတော်မှာ ဒါန သီလ ဘာဝနာမှု တွေနဲ့ မွေ့လျှော်သင့်တယ်ဆိုတာ တွေးမိနိုင်ပါစေလို့ မျှော်လင့်မိပါရဲ့။ အဆုံးမှာတော့ အမာရီလိုက ဒီကြေးစည်သံသည် ဗုဒ္ဓသသနာတော် ရောင်ဝါအလင်းတို့ကမ္ဘာမှာ နေလမင်းသို့ပျံ့သင်းဖို့သာ တစ်စိတ်တစ်ဒေသအားဖြင့် ဖြစ်နိုင်ပါစေတော့လို့ အာရုံပြုဆုတောင်းရင်း စာရေးသူ ရဲ့အတွေးလေးကို နိဂုံးချုပ်လိုက်ပါရစေ။ စာရှုသူအပေါင်း ရွှင်လန်းဝမ်းမြောက်နိုင်ကြပါစေ ….

အရှင်နန္ဒဝံသ (ဇေယျသုခ ဓမ္မရိပ်သာ၊ Amarillo,Texas, U.S.A) စက်တင်ဘာ ၁၆၊ ၂၀၁၂